Skjótt vera 72 góðkendar yrkisútbúgvingar

Nú verður klædnahandverkari góðkend yrkisútbúgving í Føroyum.

Mentamálaráðið hevur gjørt uppskot um kunngerð um tað og sent tað til hoyringar.

Talan er um at broyta kunngerðina um sáttmálaskylduga yrkisútbúgving, so klædnahandverkari kemur aftat.

Uppskotið er um at stovna útbúgving til klædnahandverkara, so til ber at læra til klædnahandverkara í Føroyum. 

Praktiska læran verður í Føroyum, men skúlagongdin verður í Danmark.

Frammanundan eru 71 góðkendar yrkisútbúgvingar í Føroyum.