Volkswagen letur verksmiðjur aftur - 120.000 størv í vanda

Týski bilframleiðarin Volkswagen er í álvarsligum trupulleikum. 

Leiðslan í fyritøkuni noyðist at lata fýra verksmiðjur, sum framleiða bilar, aftur, skrivar Spiegel.

Framleiðslan verður skerd úr 10 milliónum niður í níggju milliónir bilar um árið.

Umleið 120.000 størv eru í vanda, skrivar Bild. 

Viðskiftafólkini fáa eisini færri snið av Volkswagen at velja ímillum. Kanska minkar úrvalið upp í 75 prosent.

Orsøkin er m.a., at royndin hjá Volkswagen at koma inn á kinesiska marknaðin, er miseydnað. Sølan av evropiskum bilum sum heild í Kina er nógv minkað, og haraftrat er amerikanski tollurin hækkaður nógv.

- Tí taka vit hetta stigið, sigur Oliver Blume, forstjóri í Volkswagen.