Skifta ventilatiónsviftur í norskum tunlum - eru eisini í føroyskum tunlum

Í Noregi er vegmyndugleikin farin at kanna og skifta 1500 viftur í fleiri enn 70 tunlum, tí vandi er fyri, at tær kunnu brotna og detta niður á vegin.

Tað sigur Statens Vegvesen í Noregi í tíðindaskrivi 27. mai.

Sambært Landsverki er hetta sama slag av viftum, sum verða nýttar í tunlunum norður um Fjall og í Sandoyartunlinum.

Fríðrik Heinesen, Landsverk

Fríðrik Heinesen, sivilverkfrøðingur hjá Landsverki, sigur, at eingin vandi er á ferð í tunlunum norður um Fjall, og Landsverk arbeiðir saman við norska vegmyndugleikanum við at kanna og skifta vifturnar, sum hava framleiðslufeil.

Hoyr innslag í útvarpstíðindunum: 

Tað hevur ikki eydnast at fáa samrøðu við Una Danielsen, stjóra í tunnilsfelagnum.
Fríðrikur Heinesen, verkfrøðingur á Landsverki, hevur ikki heimild at úttala seg um Sandoyartunnilin.

Jógvan Woxnæs gjørdi innslagið.