Átrokandi umvælingar neyðugar

53 ára gamla Brúgin um Streymin er slitin og illa farin og neygugt er at gera stórar umvælingar. Tað vísa kanningar, sum hollendskir serfrøðingar gjørdu herfyri. 

Landsverk fær endaligu niðurstøðuna 17. august, men longu nú er greitt, at nógv má gerast við brúnna.

22 milliónir eru settar av á fíggjarlógini í ár til umvælingararbeiði og 23 milliónir næsta ár. Sigurð Ó. Vang, deildarleiðari á Verkætlanardeldii hjá Landsverki, væntar, at tað fer at røkka við teimum 45 milliónunum.

Ein serligur byggipallur skal gerast, so at arbeiðast kann undir brúnni.

Allir vanligr bilar, lastbilar og trailarar kunnu koyra á brúnni, men ein avmarking er tó á 56 tons. Tað vil millum annað siga, at tung serakfør kunnu ikki koyra á brúnni, og tað fara tey heldur ikki at kunna í framtíðini.

Brúgvin um Streymin hevur ikki langa tíð afturat, kanska bara 15 ár, sigur Sigurð Ó. Vang.