Kanna áhuga at byggja í Hesti

Tórshavnar kommuna kannar nú, um áhugi er fyri at byggja í Hesti.

Talan er bæði um sethús og frítíðarhús.

Góðir 3.200 fermetrar eru tøkir at byggja á í sunnara enda av bygdini.

Ætlanin er at stykkja út í smærri grundstykki.

Hestur, bygging í Hesti

Enn er eingin verkætlan gjørd, so spurningar um stødd, kostnað, tíðarætlan og treytir eru ósvaraðir, til kommunan hevur fingið úrslitið av kanningini.

Tað skal brúkast til at gera av, um grundarlag er fyri at arbeiða víðari við ætlanini.

Freistin at svara kanningini er 17. september á middegi.

Kanningin er á heimasíðuni torshavn.fo.