Meira enn triðingurin til mentan

Landið brúkti 262,7 mió. kr. til at viðlíkahalda almennar bygningar árini frá 2015 til 2025.

Tey fyrstu átta árini vóru brúktar góðar 20 mió. kr. um árið.

Men í 2023 fór talið upp í góðar 27 milliónir, í 2024 upp í góðar 29 milliónir, og í fjør var talið slakar 30,5 milliónir.

Nógv tað mesta, meira enn ein triðingur, slakar 93 milliónir krónur, eru farnar til bygningar hjá Mentamálaráðnum.

Tølini eru í svari frá Jacobi Vestergaard, landsstýrismanni, til Sirið Stenberg, løgtingskvinnu.