Kunngera frágreiðingar í snyrilsmálinum fríggjadagin

Fríggjadagin 28. august verða frágreiðingarnar um sonevnda snyrilsmálið í Grønlandi almannakunngjørdar.

Tað skrivar grønlendski miðilin Sermitsiaq.

Frágreiðingarnar snúgva seg um grønlendskar kvinnur og gentur, sum í tíðarskeiðnum frá 1960 til 1991 fingu snyril settan upp, uttan teirra vitan og samtykki. Hetta varð gjørt fyri at avmarka fólkavøkstur í Grønlandi.

Mariane Paviasen Jensen, grønlendskur landsstýrislimur í javnstøðumálum, sigur, at málið er torgreitt, og hevur kravt ta tíð og uppmerksemi, sum hevur verið neyðugt í hesum máli.

Frágreiðingarnar skulu millum annað lýsa, um snyrilsviðgerðirnar vóru í stríð við mannarættindini, og um talan kann hava verið um fólkamorð, soleiðis sum Mute B. Egede, táverandi landsstýrisformaður í Grønlandi, segði í 2024, og har hann kravdi eina umbering frá donsku stjórnini.