Einki vaktarskip tøkt fyrr enn í oktober

Bárður á Steig Nielsen, landsstýrismaður í uttanríkis- og fiskivinnumálum, váttaði á tingsins røðarapalli fyrrapartin, at eykalutir fáast ikki longur til vaktar- og bjargingarskipið Tjaldrið, og tí mugu gerast frá grundini.

Landsstýrismaðurin svaraði fyrispurningi frá Eiriki í Jákupsstovu úr Tjóðveldi um tilbúgvingina, nú hvørki Brimil ella Tjaldrið eru tøk.

Bárður á Steig Nielsen, mynd: Bjarni Árting Rubeksen

Frítekst tagging: 

Bárður á Steig Nielsen

mynd: Bjarni Árting Rubeksen

Brimil er til eitt drúgt - men planlagt eftirlit - og samstundis skuldi 50 ára gamla Tjaldrið einsamalt vera álitið at røkja eftirlit og bjarging.

Men 19. august brotnaði girið á Tjaldrinum, og tað er ikki, sum at siga tað, at rætta brekið á Tjaldrinum.

Gir eingin hillavøra, og í Løgtinginum fyrrapartin staðfesti landsstýrismaðurin, at tað er galdandi fyri eykalutir sum heild til Tjaldrið:

Lauge Koch, danskt sjóverjuskip

Ongir pengar eru settir av á fíggingarlógini til bygging ella útvegan av nýggjum skipi í staðin fyri Tjaldrið.

Danska verjuskipið "Lauge Koch" liggur framvegis millum oyggjarnar. 

Skipið hevur verið her eina tíð, og er í løtuni einasta skip, sum røkir vaktar- og bjargingartænastur við Føroyar.

Vit hava síðstu dagarnar spurt Arktisk Kommando, hvussu leingi "Lauge Koch" kann væntast at verða verandi í føroyskum sjóøki, og um skipið kann røkja tær uppgávur, sum Brimil og Tjaldrið vanliga røkja. 

Arktisk Kommando hevur ikki svarað enn.