ÍSF fer ikki upp í málið um staðseting av súkklubreyt

Tað er framvegis ógreitt, hvar fjallasúkklubreytin á oyggjaleikunum næsta ár skal vera.

Ætlanin um at gera súkklubreyt við Vesturvarða oman fyri Havnina hevur mist meirilutan í Tórshavnar býráð, og kommunan arbeiðir nu við øðrum møguleikum. 

Elin Heðinsdóttir Joensen

Frítekst tagging: 

Ítróttur

oyggjaleikir

Elin Heðinsdóttir Joensen

3-2

Men hvørki ÍSF ella oyggjaleikasamskipanin vilja siga, hvat hetta merkir fyri fjallasúkklukappingina á Oyggjaleikunum.

- ÍSF hevur onga ítøkiliga viðmerking, og vit fara ikki upp í málið, fyrr enn greið avgerð er tikin um staðsetingina.

Tað sigur sigur Elin Heðinsdóttir Joensen, forseti í ÍSF.

Hon leggur aftrat, at málið er politiskt, og at tað liggur hjá Sersambandinum fyri súkkling og triathlon, fjallasúkklarunum og Tórshavnar kommunu.

Tað sama sigur Solby A. Christiansdóttir, oyggjaleikasamskipari. Hon hevur onga viðmerking til málið, meðan tað verður viðgjørt.

solby_2.jpg

Vilja heldur einki siga um avleiðingar

Kringvarpið hevur spurt bæði ÍSF og yggjaleikasamskiparan, um henda støðan kann fáa avleiðingar fyri fjallasúkklukappingina, og um kappingin í ringasta føri verður strikað av skránni.

Men heldur ikki har fæst nakað ítøkiligt svar.

Elsa Berg

Tað er tó ikki ein støða, sum Elsa Berg, borgarstjóri í Tórshavnar kommunu, sær fyri sær.

Borgarstjórin segði soleiðis við Kringvarpið í útvarpstíðindinum í gjár:

Men júst, hvar tann loysnin skal vera, er enn ógreitt.

Ætlanin um súkklubreytina við Vesturvarða skal endurskoðast, og aðrir møguleikar skulu kannast. Ein møguleiki, sum hevur verið nevndur alment, er Húsahagi.

Mentamálanevndin hevur fund málið í næstu viku. upplýsir Elsa Berg.

Og meðan býráðið roynir at finna staðseting til súkklubreytina, bíða bæði ÍSF og oyggjaleikasamskipanin við at taka støðu til, hvussu verður við súkklukappingini á oyggjaleikunum næsta ár.