Bjørt Lind: Vantandi álit á kvinnur

Hetta er vantandi álit á kvinnur! 

Tað sigur Bjørt Lind, løgtingskvinna fyri Javnaðarflokkin, í sambandi við, at Miðflokkurin væntandi kemur við einum uppskoti í næstum um at tillaga fosturtøkulógina.

Steffan Klein Poulsen, formaður í Miðflokkinum, hevur sagt, at ein av tillagingunum er, at kvinnur, sum vilja hava fosturtøku, skulu hava kravda ráðgeving.

Bjørt Lind, sum eisini er sálarfrøðingur og sexologur, sigur, at kvinnur fáa longu hesa ráðgeving.

Hon heldur tað eisini vera óneyðugt, at kvinnur, sum vilja hava fosturtøku, skulu hava kravda umhugsunartíð.

- At krevja, at kvinnur hugsa seg um eina ferð aftrat, er tekin um vantandi álit á kvinnuna, sigur Bjørt Lind.

Hoyr innslag í útvarpstíðindunum: 

Sí eisini: Vilja hava nøkur element av lívi í fosturtøkulógina