Fjórði vetur við Vágskálini í útvarpinum

Ongin veit, hvat ein skaldsøga er, hevur danska skaldið og ummælarin Poul Borum sagt, og hetta er hann endurgivin fyri at siga fremst í skaldsøguni hjá Einari Már Guðmundsson.

Tann útsøgnin er viðkomandi, tá ið vit lesa ”Frá høvur til hæl”, tí spurningurin er, um talan er um skaldsøgu, ella um talan er um persónligar endurminningar. 

Einar Már minnist aftur á tíðina, tá hann droymdi um at gerast skald. Hann var í bestu ungdómsárum í sjeytiárunum, og í 1979 flutti hann til Keypmannahavnar við unnustuni.

Meðan hann er í Keypmannahavn, hittir hann F. P. Jac og Michael Strunge. Tann fyrri segði, at hann skuldi drekka seg í hel, áðrenn hann gjørdist 30. Tann seinni gjørdi sjálvmorð sum 27 ára gamal. 

Var eisini í Føroyum

Fremsta málið hjá Einari Már, sum kallar seg Harald í søguni, er at skriva. Hann er knýttur at universitetinum, har hann gongur til fyrilestrar, men hann letur onki inn, og tí fær hann onki prógv.

Tó fær hann trý yrkingasøvn útgivin, og aftrat F. P. Jac og Michael Strunge hittir hann eina ørgrynni av norðurlendskum listafólkum og skøldum í danska høvuðsstaðnum.

Hann greiðir eisini fra tíð síni í Føroyum í 1977, tá hann búði á vallaraheiminum hjá John Sivertsen í Havn og arbeiddi í fiski í Klaksvík.

Sanna Klein og Sámal Soll ummæla ”Frá høvur til hæl” mikudagin 16. september.

Vágskálin logo

Hvat: Vágskálin
Hvar: Í útvarpinum og á KVF Ljóð
Nær: Mikudagar kl. 17.05, og tá tað passar tær á KVF Ljóð