AfD vann landspartavalið - CDU rakk ikki upp um tinggáttina

Høgravendi flokkurin, Alternative fúr Deutschland, AfD, vann landspartavalið í Mecklenburg-Vorpommern í gamla Eysturtýsklandi.

Samstundis fall kristin-demokratiski flokkurin, CDU, fyri sperrimarkinum og kom ikki inn. Hetta er fyri fyrstu ferð í søgu floksins.

Fyribils úrslit vísa, at AfD fekk 38,2 prosent av atkvøðunum, framman fyri sosialdemokratiska flokkin, SPD, sum fekk 35,5 prosent.

Kristindemokratiski flokkurin hjá samveldiskanslaranum Friedrich Merz, CDU, fekk 4,9 prosent, og rakk sostatt ikki upp um tinggáttin, sum er fimm prosent. Á valinum í 2021 fekk flokkurin 13,3 prosent.

Hetta er fyrstu ferð, at CDU hvørki megnar at koma upp um sperrimarkið á einum landspartavali ella til ES-tingið.

Gamla metið hjá flokkinum var 9 prosent í Bremen,  - tað var í 1951.

Hinvegin, so er úrslitið annar sigurin hjá AfD á einum landspartavali í tvær vikur.

Friedrich Merz

Friedrich Merz. (Mynd: Christian Mang/Reuters/Ritzau Scanpix)

Ein vanlukka

- "Es ist ein desaster."

- Hetta er ein vanlukka, segði Merz um valúrslitið í Meckelnburg-Vorpommerern.

Samstundis staðfesti hann, at hann heldur fram sum kanslari, og arbeiðir víðari við búskapar- og sosialu nýskipanunum hjá stjórnini.

Vinstriflokkurin Die Linke fekk 6,5 prosent, og Tey grønu endaðu fingu 5,7 prosent.

Samgongan Bündnis Sahra Wagenknecht, - stytt BSW, sum er á vinstravonginum, fekk 4,8 prosent, og kom sostatt heldur ikki inn í landspartatingið.