Meira føroyskt í pottin og á borðið

Landsstýrið ætlar at styrkja føroyska matframleiðslu. 

Endamálið við tí er, at føroyingar meira enn nú kunnu keypa føroyskar matvørur fyri ein prís, sum kann sammetast við prísin á útlendskum vørum.

Hetta kann gerast við størri landbúnaðarstuðli.

Tað sigur Jacob Vestergaard, landsstýrismaður, í svari til Fíu Selmu Nielsen, løgtingskvinnu.

Hon spurdi, um landsstýrið ætlar, at Føroyar vera sjálvbjargnar í matvøruframleiðslu.

Landsstýrismaðurin sigur, at landbúnaðarstuðulin er hækkaður nakað.

Hann umfatar nú eisini grøði. 

Jacob Vestergaard sigur, at ætlanin er harumframt at styrkja føroysku kjøtframleiðslu.

Hann sigur, at viðvíkjandi veitingartrygd eru vit í Føroyum sum heild væl fyri.

Men eyðsæð eru nakrir veikleikar, er talan er um long tíðarbil við órógvi á innflutning.