Koma uttan tilknýti

Nógv tey flestu, sum flyta til Føroya, hava ikki bústaðartilknýti her.

Í nettoflytingini frá 1. september í fjør til 1. september í ár vóru 90 prosent fólk uttan bústaðartilknýti, skrivar Hagstovan.

Vøksturin í nettoflytingini, næstan 600 fólk, var tó meira javnt býttur. 

Har vóru 60 prosent fólk uttan bústaðartilknýti.

Fyri at hava føroyskt bústaðartilknýti skal fólk hava búð helvtina av lívinum ella sjey av 10 samanhangandi árum í Føroyum eina ferð í lívinum.

Nettoflytingin hjá fólki við bústaðartilknýti var positiv seinasta árið. 

Hetta er ein broyting frá fleiri undanfarnum tíðarskeiðum, har nettoflytingin hjá fólki við bústaðartilknýti var negativ.

Vøksturin í nettoflytingini tí er komin frá fólki uttan bústaðartilknýti. 

6,6 prosent teirra, sum búðu í Føroyum 1. september, hava ikki bústaðatilknýti.