Russar bumba framvegis orkumál í Ukraina

Russar bumba framvegis orkumál í Ukraina
Amerikanski forsetin hevur sagt, at Russland og Ukraina hava játtað vápnahvíld, men ukrainski forsetin sigur, at russar halda ikki avtaluna
Ukrainski forsetin sigur, at Ukraina roynir ikki at bumba russisk orkumál, men russar halda fram at bumba ukrainsk orkumál.
Mynd: Ritzau Scanpix  
 
13.10.2026 - 14:51

Ukrainski forsetin, Volodomyr Zelensky, segði í gjár, at Ukraina er sinnað at halda aftur við at leypa á orkumál í Russlandi, men hann sær ikki russar gera tað sama. 

Amerikanski forsetin, Donald Trump, boðaði sunnudagin frá, at bæði Russland og Ukraina høvdu játtað at halda eina orkuvápnahvíld, og ikki hava orkuleiðingar og orkugoymslur sum bumbumál. 

Zelenskyj var staddur á trygdarráðstevnu í Warsawa í Póllandi í gjár, tá hann segði hetta við AP-tíðindastovuna.

 

Óvæntað russiskt álop

Hann segði tað vera púra óvæntað, at russar raktu eitt orkuverk nærhendis Kharkiv, umframt eina gassverksmiðju bert tímar eftir, at Trump boðaði frá orku-vápnahvíldini. 

Seinni segði ukrainski forsetin við Fox News, at ukrainski herurin hevur hildið seg aftur síðani sunnukvøldið at royna at raka russisk orkuverk. Herurin er til reiðar at halda seg frá hesum sum eitt gott fyrsta stig fram ímóti at fáa enda á krígnum, sum nú hevur vart í hálvt fimta ár.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592