Strandferðslan: Nýggj Rita verður liðug í 2029

Verður nýggja skipið til Svínoyar og Fugloyar boðið út í februar næsta ár, - tá biðið verður um undangóðkenning og tilboð, og sáttmali gjørdur um bygging í juli, - verður skipið liðugt í juli 2029.

Tað tekur okkurt um seks vikur at tillaga útbjóðingartilfar. 

Óvist er, hvussu langa tíð klassagóðkenningarnar taka.

Tað hevur fíggjarnevndin fingið at vita frá Strandfaraskipum landsins.

Fíggjarnevndin hevur eisini fingið at vita, at tað fer at kosta 20 mió. kr. at viðlíkahalda Rituna.

Haraftrat kemur viðlíkahald næstu trý til fimm árini.

Strandfaraskip landsins hava sjey skip.

Miðalaldurin er 33,7 ár.