Kjakið: Búskapurin og avbjóðingarnar

- Tað gongur væl í Føroyum, sigur løgmaður.

Á heimasíðuni Tinganes.fo sigur løgmaður undir yvirskriftini "Frá svartskygni til bjartskygni", at samfelag okkara er á rættari kós. Fólkatalið veksur aftur, arbeiðsloysið er lágt og lækkar, bruttotjóðarúrtøkan veksur, fleiri løntakarar eru í privata vinnulívinum og samlaðu lønargjaldingarnar veksa.

Búskapur okkara stendur á tryggari grund, sigur løgmaður, men spurningurin er, um vit hava orsøk vera so bjartskygd, sum løgmaður er.

Hermann Oskarsson metir um niðurstøðu løgmans, og gestir í sjónvarpsstovuni eru Kristina Háfoss, næstforkvinna og Bárður á Steig Nielsen, formaður í løgtingsins fíggjarnevnd. Bogi Godtfred er vertur í Kjakinum eftir Dag og Viku.