Væl nøgdur venjari fekk allar mans á vøllin

Føroyski landsliðsvenjarin var væl nøgdur eftir 37-30 sigurin á Kosovo við Tjarnir og góðu byrjanina upp á EM-undankappingina.

Gamaní, sigurin kundi verið størri, men allir mans fingu kjansin, og týdningarmiklastu spælararnir fingu hvíld áðrenn torføra útidystin ímóti Montenegro sunnudagin.

 - Tað vísir yvirskot, at vit kunnu loyva okkum tað, tí vit spæla um málmun. Vit skulu ikki bara vinna, vit skulu vinna stórt, so tað var fínt fyri liðið, segði Peter Bredsdorff-Larsen eftir dystin.

Nú ræður um at fyrireika seg væl til dystin ímóti Montenegro sunnudagin.

 - Nú ræður um at fáa røttu hvíldina og fáa skrivað eina rúgvu av autografum, segði venjarin og vísti til gravgangin eftir spælarunum frá børnunum við Tjarnir.

 - Vit skul eta væl, sova væl, og so byrja vit í friði og náðum í morgin. Vit skulu á skúlavitjan, og so byrja fyrireikingarnar av álvara, segði Peter Bredsdorff-Larsen, sum ikki hevur roynt at tapt á heimavølli í umleið fýra ár.

Fríggjadagin flýgur liðið til Montenegro, og sunnudagin klokkan fimm er aftur dystur.