Hava keypt trotabúgvið eftir Grant

Einaferð átti Vatnsoyrar Snikkaravirki nærum allan marknaðin fyri vindeygu í Føroyum, men nú verður ruddað út úr søguligu hølunum í Vatnsoyrum, eftir at Grant fór á húsagang.

Eyðkendu vindeyguni hvørva kortini ikki av marknaðinum, tí fýra fyrrverandi starvsfólk hava keypt trotabúgvið eftir Grant.

Jákup Olaf Jóhannesarson hevur saman við trimum øðrum keypt trotabúgvið, og ætlanin er at gera og selja vindeygu til føroyska marknaðin.

Jákup Olaf Jóhannesarson

Grant hevði í veruleikanum ongan kjans at kappast við útlendsk vindeygu seinastu árini. Og tí fer nýggja felagið - Hádygd - heldur ikki at gera vindeygu í Føroyum.

Tá liðugt er at rudda í Vatnsoyrum verður alt virksemið savnað í Miðvági. Og har fara teir eisini at gera serbíleggingar av bæði hurðum og vindeygum.

Sí innslag í Degi og viku og samrøðu við Jákup Olaf Jóhannesarson.