- Tíðindi, mentan og ítróttur
Miðlastuðulin í tinginum í dag

Løgtingið fer í dag at viðgera lógaruppskotið hjá landsstýrinum um miðlastuðul.
Og løgtingið fer millum annnað at atkvøða um lógaruppskotið hjá Bjørg Brynhildardóttur Egholm vegna Tjóðveldi um at hækka hámarkið fyri dagpeningaveiting.
Sambært uppskotinum skal hámarkið hækka úr 80 upp í 100 prosent.
Sambært dagsskránni fyri fundin í dag skal tingið umrøða skrivligan fyrispurning frá Jenisi av Rana um koppsetingar fyri koronu.
Eyðdis Hartmann Niclasen, landsstýriskvinna, skal svara í dag.
Spurningarnir eru 13 í tali.
Svarið er ikki alment enn.
Fráboðanir um hjáárin
Men Jenis av Rana sigur, at í tí stendur, at 42 fráboðanir eru komnar frá føroyingum um illgruna um hjáárin av koppsetingarevninum Comirnaty, ella Pfizer/BioNTech.
Fráboðanir eru eisini frá heilsustarvsfólkum.
18 fráboðanir er skrásettar at vera álvarsamar.
Tingfundurin í dag er kl. 11.00.

























