Borgarar í Kollafirði hittu borgarstjóran

Borgarar í Kollafirði hittu borgarstjóran
Nógv fólk vóru á fundinum, har vetrarfriðing, fríðkan, útstykking, miðstaðarætlan, bussleið, barnagarður og tilboð til ung vóru umrødd
Breið semja var eisini á borgarafundinum um at royna at varðveita staðarnøvnini í bygdini og at fáa skil á skeltingina
 
23.01.2014 - 13:39

Borgarafundur var í Kollafirði týskvøldið, har borgarstjórin og partur av býráðsmanningini og -umsitingini vóru við.

Nógv fólk var møtt á fundinum, har býráðið legði fram sínar ætlanir um viðurskifti í økinum. Vetrarfriðing, fríðkan, útstykking, miðstaðarætlan, bussleið, barnagarður og tilboð til ung vóru umrødd.

Býráðið sigur í tíðindaskrivi, at stórur áhugi var fyri ætlaðu útstykkingunum í Homrum og á Lygnesi, og eisini fyri miðstaðarætlanini, sum fleiri høvdu ymisk uppskot um. Miðstaðarætlanin verður viðgjørd í løtuni, og býráðið sigur, at øll góð hugskot í hesum sambandi eru kærkomin.

Barnagarður og vetrarfriðing

Í fundarfrásøgn sigur býráðið, at full semja aldri fæst um bussleiðina, men at batar eru ávegis, umframt at aðrar broytingar kanska verða gjørdar í komandi sáttmálaskeiði. Nýggjur barnagarður var dúgliga viðgjørdur á borgarafundinum, umframt tilboð til ungdóm í Kollafirði.

Nógv tíð fór eisini til komandi vetrarfriðingina, sum er eitt sera stórt mál, tí bygdin er stór og sera long, og vetrarfriðing av hesum sama verður dýr. - Men eisini her var stórur vilji at finna loysnir, sigur kommunan á heimasíðu sínari.

Breið semja var eisini á borgarafundinum um at royna at varðveita staðarnøvnini í bygdini og at fáa skil á skeltingina.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565