Kjak um stýrisskipanarlógina

Kjakið í sjónvarpinum í kvøld snýr seg um uppskotið hjá Tjóðveldi at seta inn í stýrisskipanarlógina møguleikan at halda fólkaatkvøðu um lógaruppskot, um ein triðingur av løgtinginum krevur tað.

Og so vil Tjóðveldi hava, at nevndarfundirnir í løgtinginum verða almennir, og at nevndirnar kunnu skipa fyri almennum hoyringum.

Tjóðveldi vil eisini hava, at aðrar lógir ikki kunnu avmarka tær heimildir, sum lógin um alment innlit ásetir.

Gestir í sjónvarpsstovuni verða framsøgufólkini Gunvør Balle í Tjóðveldi og Helgi Abrahamsen í Sambandsflokkinum.

Bogi Godtfred er vertur.