HB vann klaksvíkskappingina

Kì hevur í nógv ár skipað fyri einari Klaksvíkskapping áðrenn landskappingin fer í gongd. 
Hon er soleiðis skipað, at KÌ sum eru vertir altíð luttekur. Síðani verða tey trý liðini sum endaðu ovast árið fyri boðin við.

Lutakast var fyrr í vikuni, og tá varð avgjørt at HB og B36 skuldu spæla fyrra dystin og síðani ÌF og KÌ.

HB vann heili 5-1 á B36, ímeðan ÌF og KÌ spældu javnt 1-1. Tá varð farið til brotssparkskapping og vann KÌ síðani 5-4.

Í dag skuldu so B36 og ÌF spæla bronsudystin og vann B36 dystin 3-1. 
HB og KÌ spældu síðani finaluna kl 15.30 í dag og HB vann dystin 1-0. Sigursmálið skoraði Pól Ingason.

Í sendingini Pulsurin í dag segði Eyðun Thorgeirson at eini 400 áskoðarar vóru til dystin og talan var um ein spennandi dyst.

HB hevur nú vunnið tvey steyp av tveimum møguligum. Teir vunnu fyrst VFF cup og nú Klaksvíkskappingina.