- Tíðindi, mentan og ítróttur
Leita framvegis í Neshaganum
<div>Økið, har leitað verður og kanningar verða gjørdar, er framvegis avbyrgt fyri almenninginum.</div><div><br></div><div>Kriminalløgreglan hevur fingið nýggjar upplýsingar í drápsmálinum um Dánjal Petur Hansen, Pidda. Tað eru annars góðir tveir mánaðir síðani, at kriminalpolitiið metti seg vera liðugt at kanna málið. </div><div><br></div><div><b>Góð prógv</b></div><div><br></div><div>-Vit halda okkum hava góð prógv fyri, at varðhaldsfongslaði maðurin hevur dripið Dánjal Petur Hansen, segði Bergleif Brimvík, kanningarleiðari, við útvarpið 15. mai. </div><div><br></div><div>Málið móti manninum, sum er skuldsettur fyri at hava dripið og burturbeint Dánjal Petur Hansen, kemur fyri rættin 3. september.</div><div><br></div><div>Men nú hava nýggir upplýsingar í málinum fingið kriminalpolitiið at gera nýggjar kanningar við servandum hundum, og tær verða gjørdar í Neshaganum við Toftir.</div><div> </div><div>Løgreglan hevur í løtuni ongar viðmerkingar til málið.</div><div><br></div><div>Dánjal Petur Hansen var seinast sæddur 5. november í fjør.</div>
