Janukovitsj: Eg eri framvegis forseti í Ukraina

Janukovitsj vísti seg á einum talarastóli, ílatin ukrainska flaggið, í býnum Rostov-na-Donu, fyrrapartin í dag. Har hevur hann hildið til, síðan hann varð rikin frá valdinum 22. februar.

Valið er ólógligt

Janukovitsj vísir aftur, at hann flýddi úr Ukraina. Og hann heldur uppá, at hann skjótt vendir aftur til Kiev.

”Komandi valið, sum er lýst at vera 25. mai, er bæði ólógligt og ógildugt,” sigur frákoyrdi forsetin.

Hann vísir eisini á, at Krim-hálvoyggin er í gongd við at slíta seg leysa frá Ukraina, og skyldina hevur mótstøðurørslan í Kiev.

”Eg eri eisini framvegis ovastur í ukrainska herinum, og eg ivist ikki í, at herurin noktar fyri at gera eftir boðum frá kriminellum,” segði hann fyrrapartin týsdagin.

Kelda: VG/NTB