Grønlendingar ónøgdir við makrelavtalu

<p>Grønlendingar eru ónøgdir við makrelavtaluna millum ES, Norra og Føroyar og vilja hava donsku stjórnina at blanda seg og broyta partar av avtaluni, sum eru gjørdir fyri at forða grønlendingum at fiska makrel.</p>

<p>Tað sigur Henrik Leth, formaður fyri fiskivinnunevndina hjá grønlendska arbeiðsgevarafelagnum við Sermitsiaq.</p>

<p>Sambært Henrik Leth&nbsp;er ein partur av makrelsemjuni, at Føroyar, Norra og ES ikki mugu lova skipum at fiska grønlendsku eginkvotuna av makreli.</p>

<p><strong>Makrelavtalan eitt bakkast fyri Grønland</strong></p>

<p>- Tað er eingin ivi um, at avtalan millum Føroyar, Norra og ES er beinleiðis skaðilig fyri grønlendsk áhugamál í fiskivinnnuni, heldur Henrik Leth.</p>

<p>Avtalan má síggjast sum ein avtala, hvørs endamál - burtursæð frá sjálvum býtinum - er at forða fyri, at grønlendingar fáa somu møguleikar sum onnur, sigur hann.</p>

<p>Grønlendska arbeiðsgevarafelagið heitir nú á heimastýrið um at mótmæla bæði í Brússel og á Christiansborg, og at heimastýrið fær donsku stjórnina at strika burtur tær ásetingar í makrelavtaluni, sum eru beinleiðis rættaðar móti Grønlandi.</p>