Schengen fyrst - síðani yvirtøkan

<p>Tá løgmaður hevur fingið vissu fyri, at Føroyar verða verandi partur av Schengen samstarvinum, verða útlendingamál yvirtikin. Og vónandi verður tað í heyst.</p>

<p>Samgongan setti sær fyri í samgonguskjalinum frá 2011, at útlendingamál skulu yvirtakast. Enn er kortini lítið hent. Orsøkin er, sigur løgmaður, at landsstýrið hevur verið í samráðingum við donsku stjórnina um Schengen-samstarvið hjá ES.</p>

<p>Jákup Mikkelsen, formaður í Uttanlandsnevndini hjá løgtinginum, segði við Útvarpið í gjár, at Føroyar skulu yvirtaka útlendingamál, sama, um Føroyar verða partar av Schengen ella ikki.</span></p>

<p>Løgmaður er ikki samdur við hann. Hann vil&nbsp;fyrst hava vissu fyri, at Føroyar halda fram í Schengen. Yvirtøkan fer væntandi at kosta okkurt um&nbsp;seks milliónir krónur. Enn er ikki greitt, hvar pengarnir skulu finnast.</p>

<p>Schengen er um eftirlit á landamørkum. Danska løgreglan umsitur Schengen í bæði Føroyum og Grønlandi.</p>