Heilsumálaráðið vil eisini hava onnur høli

Heilsumálaráðið vil eisini hava onnur høli
Almannamálaráðið og Heilsumálaráðið hava havt fleiri felags virkisøki, men tey verða nú slitin sundur, tí Almannamálaráðið flytur í Tinganes
Heilsumálaráðið vil eisini sleppa av Eirargarði
 
25.06.2014 - 11:35

Heilsumálaráðið leitar nú eftir øðrum hølum at húsast í.

Í summar flytur Almannamálaráðið av Eirargarði, har tey hava húsast saman við Heilsumálaráðnum, út í Tinganes, tí hølini - sambært landsstýriskvinnuni -  eru ikki egnað til eitt stjórnarráð

- Tá hølini eru óegnað til starvsfólkini í Almannamálaráðnum, so eru tey sjálvandi heldur ikki egnað til okkara starvsfólk, sigur Karsten Hansen, landsstýrismaður í heilsumálum.

Enn hava tey tó ikki funnið nakran nýggjan bústað, men tey leita og hava hugt eftir onkrum alternativum.

Hava fleiri felags virkisøki

Heilsumálaráðið og Almannamálaráðið hava fleiri ferðir áður verið eitt og sama stjórnarráð, og enn hava tey fleiri virkisøki, sum tey eru felags um.

Karsten Hansen harmast um, at tað hevur ikki borið til at finna eina felags loysn saman við Almannamálaráðnum, tí felags virkisøkini hava virkað so væl, og tey hava eisini gjørt umsitingina í bíligari.

Annika Olsen, landsstýriskvinna segði í síðstu viku, at hóast sjálv flytingin fer at kosta nakað, so sleppur ráðið undan at rinda nakað serligt í húsaleigu í Tinganesi. Tí verður ikki neyðugt við eykajáttan ella sparingum í Almannamálaráðnum fyri at svara hvørjum sítt. 

Hvussu verður við Heilsumálaráðnum, nú felags virkisøkini við Almannamálaráðið verða slitin sundur aftur, er óvist í løtuni.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470