Bíða ikki longur

Verksmiðjuskipini, Norðborg og Christian í Grótinum, sum hava bíðað í meira enn ein mánað eftir loyvi at fiska makrel, fingu fiskiloyvi leygardagin, tá kunngerðin um fiskiskapin eftir makreli og norðhavssild í 2014 kom í gildi.

Norðborg kann fiska 10.185 tons av makreli og Christian í Grótinum 9.516 tons, fyribils tó bara í føroyskum sjógvi og í altjóða sjógvi.

Tey bæði Klaksvíksskipini hava eisini fingið loyvi at fiska norðhavssild í føroyskum sjógvi, íslendskum sjógvi og í altjóða sjógvi.

Norðborg eigur 4.614 tons av sild og Christian í Grótinum 1.631 tons. 

Hóast kunngerðin um makrelin og norðhavssildina kom í gildi leygardagin, sleppa onnur enn nótaskipini, sum hava eginkvotur, ikki at fiska fyrr enn 21.juli.