Biskupur kennir seg einsamallan

Tað er ein demokratiskur veikleiki fyri fólkakirkjuna, at biskupur einsamallur tekur allar avgerðir í kirkjuligum spurningum.

Tað heldur Jógvan Fríðriksson, biskupur. Hann mælir til at endurskoða skipanina. Ein loysn er at seta ein biskup afturat sitandi biskupi.

Greitt er, at ein ítøkilig uppgerð við galdandi leiðslubygnað í fólkakirkjuni longu er ávegis. Uppskot um uppgerðina verða snikkað saman í biskupsgarði.

- Eg arbeiði av álvara við at fáa ein biskup afturat, ella at dómpróvsturin gevst sum dómpróvstur og verður biskupur nummar tvey, sigur Jógvan Fríðriksson við útvarpið.