Kannar ikki deyðan botn

Umhvørvisstovan fer ikki at kanna, hví deyður hummari er í rúsunum á Árnafirði og í Hvannasundi.

Sannlíkt er, at umstøðurnar í sjónum eru orsøkin til ringu støðuna á botninum á fjørðinum og í sundinum, hóast ikki ber til at útiloka, at alingin eigur ein part.

Umhvørvisstovan fer ikki at gera kanningar á Árnafirði ella í Hvannasundi, sigur Suni Petersen, deildarleiðari.

Hann sigur, at tey kanska í framtíðini fara at gera kanningar á botninum á firðum og í sundum, men enn er ov tíðliga at siga meira um tað, tí eingin avgerð er tikin um slíkar kanningar.