- Tíðindi, mentan og ítróttur
Setti eld á seg sjálvan uttan fyri rættarhølið
<p>Ein maður royndi í dag at sleppa inn um girðingina uttan fyri rættarhølið í Oslo, har málið móti hópdrápsmanninum, Anders Behring Breivik, verður viðgjørt.</p><div><br></div><div>Brádliga kom eldur í troyggjuna, sum maðurin var í. Hann hevur fingið álvarsligan skaða, og er fluttur á sjúkrahús, skriva norskir miðlar. Løgreglan sigur, at maðurin rópti hart - helst á norskum - men hon veit ikki, hvør hann er. </div><div><br></div><div>- Maðurin setti eld á seg sjálvan, tá hann royndi at sleppa inn um girðingina, sigur ein løgreglumaður við danska kringvarpið. </div><div><br></div><div>Hann hevði tvær fløskur við eldfimum løgi uppi á sær, sum hann stoytti á seg sjálvan, sigur ein sjónarváttur við Verdens Gang á netinum. Sjúkrabilur varð boðsendur, og maðurin er fluttur á sjúkrahús. Øll ferðsla uttan fyri rættarhølið er steðgað.</div><div><br></div>
