Eingin samanlegging, ov fáir á aðalfundi

Arbeiðarafeløgini í Fuglafirði verða ikki løgd saman í hesum umfarinum. Men til at arbeiða saman fyri tað, heldur Óli Johannesen, formaður í Fuglafjarðar Arbeiðsmannafelag.

Hann er als ikki vísur í, at eitt stórt felag er sterkari enn tvey minni.

Undirtøka er ikki millum limirnar í Fuglafjarðar arbeiðsmannafelag at leggja arbeiðarafeløgini í býnum saman.

Arbeiðsmannafelagið hevði aðalfund leygardagin. 

Samanlegging krevur lógarbroyting. Og skal lógin hjá arbeiðsmannafelagnum broytast, skulu minst 30 limir vera á fundinum. Og tveir triðingar av teimum skulu atkvøða fyri lógarbroytingunum.

Og tað hendi ikki á aðalfundinum leygardagin.

Hálvan februar varð samtykt á aðalfundi hjá arbeiðskvinnufelagnum í Fuglafirði at taka undir við samanlegging.