- Tíðindi, mentan og ítróttur
Fakfeløg og arbeiðsgevarar bróta altjóða sáttmálar
<div>Føroysk fakfeløg og arbeiðsgevarar bróta evropeiska mannarættindasáttmálan, tí úrvalssemjur, eksklusivsáttmálar, eru á føroyska arbeiðsmarknaðinum.</div><div><br></div><div>Sambært evropeiska mannarættindasáttmálanum hava myndugleikarnir skyldu til at ansa eftir, at slíkir sáttmálar ikki eru.</div><div><br></div><div>Føroyar hava heldur onga lóg um felagsfrælsi, sum forðar fyri, at arbeiðsmøguleikar hjá løntakarum eru tengdir at limaskapi í ávísum fakfelagi. </div><div><br></div><div>Sambært bæði ILO-konvensjónum og evropeiska mannarættindasáttmálanum, sum eru bindandi fyri Føroyar, hava fólk ikki bara rætt at skipa seg í felag. Tey hava eisini rætt at standa uttan fyri fakfeløgini. </div><div><br></div><div>Reisir onkur málið um eksklusivsáttmálarnar, kann vandi vera fyri, at Danmark vegna Føroyar kann vera ákært fyri ikki at hava hildið sína eftirlitsskyldu við mannarættindasáttmálanum. </div><div><br></div><div>Ovasta løgfrøðiliga ráðgevingin í landsstýrinum var longu í 80-unum greið yvir, at neyðugt var at binda um heilan fingur við at gera eina lóg um felagsfrælsi í Føroyum. Í tilmæli til landsstýrið, sum Útvarpið hevur sæð, verður mett, at tað er brot á mannarættindasáttmálan, sum Føroyar hava bundið seg til, um løgtingið ikki samtykkir eina lóg um felagsfrælsi.</div><div><br></div><div>Ein roynd at fáa eina slíka lóg varð gjørd í 80-unum. Uppskot varð lagt fyri tingið, men lógin bleiv tó av ongum.</div><div><br></div>
