Kannar privata virksemið hjá serlæknum

Landsstýrismaðurin í heilsumálum fer nú at kanna privata virksemið hjá serlæknunum.

Karsten Hansen hevur kunnað landsstýrið um, at hann vil hava lógina um Heilsutrygd broytta soleiðis at landsstýrismaðurin fær stýrt útreiðslunum til privata virksemið hjá serlæknunum.

Eitt yvirlit hjá heilsumálaráðnum vísir, at Heilsutrygd rindaði serlæknum yvir 4,3 milliónir krónur fyri privatar viðtalur, sum læknarnir hava eftir arbeiðstíð. Størstu gjøldini fóru til eygnalækna, giktalækna og oyrnalækna.

Økið verður stýrt eftir sáttmála millum Serlæknafelagið og Heilsutrygd.

Sáttmálin gevur serlæknum rætt til samsýning, tá teir veita serlæknahjálp eftir vanliga arbeiðstíð, tað vil siga eftir klokkan 15 seinnapartar.

Sjúklingarnir rinda ikki fyri viðtaluna.