Nýggj fimleikarhøll fyri 30 mió. kr.

Gongst ætlað verður nýggja Støkk-høllin í Runavík liðug í september næsta ár

01.03.2012 - 11:03

<p><br></p><p>Eitt samtak við Búsetri, donsku BPP arkitektum, Landsbyggifelagnum og Sofusi M. Jakobsen vann kappingina um at byggja nýggja fimleikarhøll í Runavík.</p><div>Tað varð avdúkað á samkomu í Runavíkar kommunu fyrrapartin. Fýra onnur samtøk bjóðaðu eisini upp á verkætlanina.</div><div><br></div><div>Eftir ætlan verður farið at grava út í august, og gongst sum ætlað skal arbeiðið verða liðugt í september næsta ár.</div><div><br></div><div>Nýggja høllin verður bygd aftur at verandi høll á ítróttarøkinum í Runavík.</div><div><br></div><div> Hon kann bæði nýtast til fimleik og onnur tiltøk. Á ovaru hæddini verða fundarhøli, felagsøki og skrivstovur, og møguleiki verður eisini at gera venjingarrúm</div><div><br></div><div>Nýggja Støkk-høllin verður góðar 2000 fermetrar til víddar, og hon fer at kosta umleið 30 milliónir krónur. </div>