Hedvig Jóhansdóttir stjóri í Dugna

Stýrið fyri Dugna hevur sett Hedvig Jóhansdóttur sum stjóra.

Hedvig Jóhansdóttir er 40 ára gomul, og hon er útbúgvin kandidatur í námsfrøðiligari sálarfrøði. 

Hedvig Jóhansdóttir hevur arbeitt sum námsfrøðingur, stovnsleiðari, deildarleiðari í Verkskúlanum og Verkstøðunum hjá Dugna og sum leiðari í skúlanum hjá Dugna við Áir. Í løtuni er hon fyribilsstjóri í Dugna. Hedvig Jóhansdóttir tekur við stjórastarvinum 1.januar. 

39 umsóknir

39 umsóknir vóru til starvið sum stjóri í Dugna. 

Stjórastavrið varð leyst, tá Kristina Toftegaard Larsen fór í annað starv tann 1.november. 

Dugni er sjálvsognarstovnur undir Almannamálaráðnum. 

Endamálið hjá stovninum er at endurbúgva fólk, sum eru vinnutarnað, so tey kunnu fara undir útbúgving ella í arbeiði.