Pál Joensen nummar 17

Pál Joensen svam seg í dag til eitt 17. pláss í 400 m. frí-kappingini í HM á stuttgeil í Doha.

Tíðin hjá Páli var 3:42.31. Besta tíðin hjá honum er 3.40.12, sum varð svomin í superdrakt, sum ikki verður brúkt meira.

Besta tíðin hjá Páli á hesum teininum í stuttbuksum er 3.41.05. Ta Tíðina setti hann í Istanbul í 2011.

Pál bleiv nummar 17 av 80 svimjarum.

Skjótastur var Ungarski Peter Bernek við tíðini 3.37.34

Pál nøgdur hóast alt

Pál Joensen var ikki millum átta teir bestu, sum komu í finaluna, men hann er nøgdur hóast alt.

-Eg eri vælnøgdur. Hetta er upphiting til tað, sum skal koma seinni, og eg eri nøgdur við ferðina hjá mær, sigur Pál Joensen við svimjing.com

Pál Joensen leggur afturat, at hann hevur fult fokus á 1500 metur finaluna, sum verður sunnudagin.

- Nú fari eg at hvíla meg, so eg kann svimja mín besta 1500 metur nakrantíð, sigur Pál Joensen.

1500 metur finalan í sjónvarpinum

1500 m. finalan verður víst beinleiðis í sjónvarpinum. Byrjað verður klokkan 15.20