Greipuvinnararnir eru aftur í steypafinaluni

Seinna hálvfinalan varð veruliga ikki avgjørt fyrr enn í evstu løtu. Dysturin endaði 18-19 til Kyndil og Kyndil var eisini á odda 10-12 í hálvleikinum.

Spenningurin helt sær til at VB gjørdi eina feilavlevering, tá 15 sekund restaðu í. 

Liðini vóru so jøvn, at tað bar ongantíð til at spáa um hvør skuldi møta Neistanum í finaluni tann sjeynda februar.

40 sekund eftir

Kyndil hevði trumfin í síni hond, tá tær vóru í álopi tá bert 40 sekund vóru eftir av dystinum og tað er javnleikur 18-18. Kyndil er tá á veg í finaluna, ti ein javnleikur var nokk.

Men Kyndil bleiv til ein glóð heitan kyndil, tí í staðinfyri at lata tíðina ganga, so skeyt Kyndil á mál, og Sanja Jovic í VB málinum bjargaði.

Nú skuldi VB í skjótálop og tveir VB leikarar runnu fram. Men tíverri fyri Sanju Jovic, so bleiv avleveringin frá henni ov long, og VB misnýtti møguleikan at avgera dystin.

Tí um VB skoraði endaði dysturin 19-18 til VB og tí hevði VB verið steypafinalistur við einum útimáli meira.

Men í staðin verður Ásleyg Súnadóttir úr Kyndli send avstað í skjót álop. Trý sekund eru eftir og hon skorar til 19-18, og Kyndil er í finaluni.

Finalan millum Neistan og Kyndil verður spæld tann 7.februar í høllini á hálsi.