Samferðslan darvað og skúlar stongdir

<p>Ringa veðrið darvar aftur samferðsluni kring landið og fleiri skúlar hava boðað frá, at skúlagongdin er avlýst í dag í vánaliga veðrinum.</p>

<p>Flestu leiðirnar hjá Bygdaleiðum eru eisini avlýstar. Tað eru bert leiðirnar í Suðuroy og Sandoy, ið ikki hava avlýst koyringina fyribils.</p>

<p><strong>Tríggir skúlar fyribils avlýst</strong></p>

<p>Tríggir skúlar hava fyribils avlýst skúlagongdina í dag.&nbsp;Hvalvíkar skúli, Fuglafjarða skúli og Handils- og studentaskúlin á Kambsdali hava avlýst skúlagongdina í dag.</p>

<p>Hálka, krapi,&nbsp;vánalig koyrilíkindi og fitt av vindi er&nbsp;kring landið. Í Syðradali vóru 39 m/s klokkan 7:27, meðan seks vindmátarar hjá Landsverki klokkan 8 vístu vindferð omanfyi 30 m/s.</p>

<p>Sambært veðurforsøgnini líður nakað út á dagin&nbsp;áðrenn veðrið verður frægari, segði Alix Rasmussen, veðurfrøðingur, í Góðan morgun Føroyum beint áðrenn klokkan 8 í morgun.</p>