Vápnalógin verður broytt

Tað ætlar Kaj Leo Holm Johannesen, løgmaður, sum hevur gjørt nakrar broytingar í vápnalógini. Uppskotið sigur eisini, at øll vápn skulu skrásetast í navninum hjá einum fólki.

Kravt verður, at fólk, sum brúka vápn ella ætla at keypa sær prógv, skulu hava vápnaprógv. Øll, sum eru yngri enn 40 ár, skula taka vápnatrygdarskeið, sum varar átta tímar.

Sambært uppskotinum kunnu fólk, sum vísa hóttandi atburð við vápni, eitt nú tá tey eru ávirkað, revsast eftir vápnalógini. Revsingin kann vera upp í tvey ára fongsul. Í fjórða ársfjórðingi í fjør vóru tríggir tilburðir við skotvápnum í Føroyum.

Ólóglig vápn latast inn

Kravt verður, at øll vápn hava vápnalás ella eru goymd í vápnaskápi. Sambært uppskotinum sleppa fólk, sum hava ólóglig skotvápn, freist til 30. juni næsta ár at lata fútanum vápnini. Tá sleppa tey undan revsing fyri at hava ólóglig vápn.

Sambært viðmerkingunum um lógaruppskotið mælir fútin til at taka fleiri vápn enn byrsur við í lógina, men stundir vóru ikki at taka tilmælini hjá fútanum við hesaferð. Tað verður næstu ferð, lógin skal endurskoðast, sigur løgmaður.

Ætlanin er at lata løgtinginum lógaruppskotið, sum er til hoyringar í løtuni, nú í hesari tingsetuni.