Hýruvognar nýta taxametur í 2017

Hýruvognar nýta taxametur í 2017
Í Vinnumálaráðnum halda tey tað vera eitt framstig at krevja gjaldmálara í hýruvognar, og tí er lógarbroytingin gjørd og send løgtinginum
 
11.03.2015 - 08:21

Frá nýggjársdegi í 2017 kunnu tey, sum leiga hýruvogn í Havn millum annað, vænta at skula gjalda sambært gjaldmálara, og ikki sambært príslista sum nú.

Løgtingið fer í dag at viðgera uppskotið hjá landsstýrismanninum í vinnumálum um at loyva kommununum at krevja av teimum, sum koyra hýruvogn, at tey brúka gjaldmálara, taxametur.

Sambært Vinnumálaráðnum hevur Vinnunevndin í Tórshavnar kommunu biðið um at fáa lógarheimild til at krevja, at hýruvognar í kommununi hava gjaldmálara. 

Í Vinnumálaráðnum halda tey tað vera eitt framstig at krevja gjaldmálara í hýruvognar, og tí er lógarbroytingin gjørd og send løgtinginum.

Ikki fyrr enn í 2017

Men kommunurnar kunnu kortini ikki krevja, at taxametur verður brúkt fyrr enn 1.januar í 2017. Lógarbroytingin leggur tó upp fyri, at til ber hjá hýruvognum og bilstøðum at hava seravtalur um avtalaðar prísir við stovnar, feløg og fólk um flutning uttan at brúka gjaldmálara.

Sambært lógaruppskotinum skal landsstýrismaðurin gera kunngerð við reglum um gjaldmálarar og eftirlitið við teimum, so teir altíð vísa rætta prísin fyri túrin.

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Sunnudag 22. november
Andaktin
216792
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631