- Tíðindi, mentan og ítróttur
Nú er mest sum alt avgjørt
Nú er mest sum alt avgjørt
Kyndil fekk ein sera týdningarmiklan sigur á Neistanum í kvøld. Við sigrinum hevur Kyndil næstan spælt seg í FM-finaluna
19.03.2015 - 19:41
Alt bendir á, at tað verða havnaliðini, Neistin og Kyndil, sum skulu spæla FM-finalurnar í hondbólti.
Liðini møttust í kvøld, og skuldi veruligur spenningur framvegis verða um annað plássi, so skuldi Neistin vinna.
Men Kyndil var omaná, tær grønu vunnu 22-18, eftir at hálvleiksstøðan var 10-9 til Kyndil.
Tað sást eisini frá byrjan, at Kyndil var meira tendrað, tí eitt skiftið vóru tær á odda 7-0 í fyrra hálvleiki.
Við sigrinum er mest sum greitt, at tað verður Kyndil, sum skal spæla finaluna móti Neistanum. VÍF hevur ein teoretiskan møguleika, men hann er lítil.
Neistin - Kyndil 18-22 (9-10)
Toppskjútti Kyndil: Marianna Eystberg, 8
Toppskjúttar Neistin: Milicia Rankovic, 3. Eir Berg, 3. Marjun Danberg, 3.
Støðan:
| 1. Neistin | 21 dystir | 33 stig |
| 2. Kyndil | 21 dystir | 32 stig |
| 3. VÍF | 20 dystir | 26 stig |
| 4. VB | 20 dystir | 25 stig |
| 5. STÍF | 21 dystir | 18 stig |
| 6. Stjørnan | 19 dystir | 8 stig |
| 7. Søljan | 20 dystir | 0 stig |
Er kopiera
Nýggjastu sendingar í ÚV
Hósdag 17. september
Skráin á Tjóðpallinum 2026/27, fyrsta konsertin við Leu Eyðbjørg í Føroyum
213426
Nýggjastu sendingar í SV
