Fótbóltur skal bøta um heilsuna hjá føroyingum

Í næstum fara FSF, Setrið og fótbóltsfeløgini undir átakið "Heilsufótbóltur." Málið er at bøta um fólkaheilsuna hjá vaksnum og tilkomnum í Føroyum

Fótbóltssambandið og Fróðskaparsetrið fara nú saman við fótbóltsfeløgunum undir heilsufótbólt, har málið er at bøta um fólkaheilsuna hjá føroyingum

Sigrún H. Brend

Bjarni Mohr

20.04.2015 - 09:40

- Nýggj gransking vísir, at fótbóltsspæl hevur gagnligari heilsuárin og rakar breiðari enn renning, svimjing og venjing í heilsumiðstøðum, skrivar heimasíðan hjá Fótbóltssambandinum.

Í Danmark eru í dag meir enn 300 feløg, sum bjóða heilsufótbólt. Luttakararnir hava ikki bara bøta um heilsuna, men hava eisini góða og stuttliga sosiala samveru, sigur Magni Mohr, lektari á Fróðskaparsetrinum við fsf.fo.

Endamálið við átakinum er at fáa vaksin og tilkomiæn, bæði kvinnur og menn, at venja og sparka eina til tríggjar ferðir um vikuna, og samstundis bøta um fólkaheilsuna hjá luttakarunum.

Ætlanin er at gera ymsar grundleggjandi mátingar av teimum, ið taka lut, fyri síðani at eftirmeta átakið.