Landið letur Atlantic Airways slaka hálva milliard

Landið letur Atlantic Airways slaka hálva milliard
Næstu tíggju árini skal Atlantic Airways hava 444 mió. kr. úr landskassanum til tyrlutænastuna.
 
07.05.2015 - 10:01

Jacob Vestergaard, landsstýrismaður, bað í gjár løgtingið um loyvi at samráðast við Atlantic Airways um tyrlutænastu fyri 44,4 mió. kr. um árið í tíggju ár.

Lógaruppskotið merkir samstundis, at frí kapping verður ikki um tyrlutænastur, sum landsstýrið keypir, tí tænasturnar verða ikki bodnar út.

Atlantic Airways, sum landsstýrið eigur, hevur boðað landsstýrinum frá, at felagið ætlar at keypa tvær nýggjar tyrlur fyri Bell tyrlurnar, sum nú eru ávikavist 19 og 21 ára gamlar.

Ætlanin er at keypa tvær AgustaWestland tyrlur, sum hvør kostar 100 mió. kr.

Landsstýrið krevur fult innlit í roknskapin

Sum er rindar landið Atlantic Airways 36,1 millión um árið fyri tyrlutænastur. Men nýggju tyrlurnar fara at krevja 8,4 mio. kr. meira um árið úr landskassanum. 

Hækkingin stavar í høvuðsheitum frá øktum útreiðslum til rentur og avskrivingar, upplýsir Fiskimálaráðið.

Galdandi sáttmáli millum landið og Atlantic Airways um tyrlurnar fer úr gildi á nýggjárinum.

Fyri at tryggja, at gjaldið hjá landsstýrinum fyri tyrlutænastuna veruliga samsvarar við kostnaðin, fer landsstýrið í sáttmálanum við Atlantic Airways at treyta sær fult innlit í roknskapartølini hjá Tyrludeildini og felagnum annars í tann mun, talan er um samrakstur millum flogferðslupartin og tyrlupartin hjá felagnum, stendur í viðmerkingunum um lógaruppskotið.

Trý aðalráð brúka føroysku tyrlurnar, Fiskimálaráðið, Vinnumálaráðið og Heilsumálaráðið. Men Fiskimálaráðið skal samráðast við Atlantic Airways fyri øll trý. Og samráðingarnar eru byrjaðar.  

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592