Vágs kommuna letur upp tænastudepil

Arbeitt hevur verið í hálvt annað ár við at fáa lív í aftur Gamla posthúsið í Vági. Umvælingararbeiði er nú liðugt, og leygardagin lat nýggi tænastudepilin upp.

Í Miðlatúni, sum nýggi tænastudepilin eitur, eru Býarbókasavnið og Kunningarstovan í Vági nú savnað undir sama taki, skrivar sudurras.fo á netinum.

Borgarstjórin í Vági, Dennis Holm, fegnast um at tænasturnar aftur eru savnaðar í miðbýnum í Vági, skrivar Suðurrás.