Fiskaútflutningurin í Noregi setti met í mai

Útflutt varð fyri 5,2 milliardir kr., og tað er besti mánaður nakrantíð.

Portugal keypti mest, fyri 171 milliónir í salt- og klippfiski.

Salt- og klippfiskur

Portugisar vilja hava so nógv av saltaðum norskum toski, sum landið kann fáa, sigur ein talsmaður fyri vinnuna.

Hóast tað gongur væl at selja salt- og klippfisk, so er laksurin framvegis størsta útflutningsvøra hjá Noreg, tá talan er um fiskavørur, upplýsir norska hagstovan.