Holland: Útlendingar skulu taka integratiónsroynd

Tað sigur ES-dómstólurin, sum hevur viðgjørt málið.

Í 2010 gjørdi stjórnin í Hollandi av, at fólk úr øðrum londum, sum ætlaðu at búseta seg í landinum, skuldu til sonevnda integratiónsroyn, fyri at fáa endaliga loyvið.

Stríð tók seg upp um, um útlendingar sum høvdu búsett seg í Hollandi fyri 2010, skuldu til eina slíka roynd.

Grønt ljós frá ES-dómstólinum

Fleiri, sum høvdu búð nógv longri í Hollandi, avgjørdu at leggja málið fyri dómstólin í Hollandi, sum síðani spurdi seg fyri hjá ES-dómstólinum.

ES-dómstólurin er komin til ta niðurstøðu, at einki er til hindurs fyri, at fólk verða biðin um at koma til eina slíka roynd.

Men dómstólurin leggur dent á, at fólk sum eru komin til Hollands fyri 2010, og ikki standa royndina, kortini ikki skulu missa rættin at verða verandi í Hollandi.

Nú fer so rætturin í Hollandi undir at viðgera sakarmálið.