Kundar misnøgdir við BankNordik í Danmark

Aftur í ár er BankNordik niðast á listanum við peningastovnum í Danmark, sum viðskiftafólkini hava hug at rýma úr.

Børsen skrivar við Bankanalysen sum keldu, at BankNordik er niðast á listanum eftir at 7370 viðskiftafólk eru spurd, hvussu nøgd tey eru við sín banka. Næst niðast er Danske Bank.

BankNordik var eisini á aftasta plássi í fjør.

Samanumtikið sigur greiningin í ár, at fjórða hvørt fólk í Danmark er so misnøgt við bankan, tey brúka, at tey umhugsa at finna sær onkran annan banka.