Sambandsflokkurin: Limafeløgini viðgera støðuna

Sambandsflokkurin: Limafeløgini viðgera støðuna
Formenninir í limafeløgunum hjá Sambandsflokkinum fara nú at taka støðu til, um tey halda, at formaðurin skal halda fram
 
27.06.2015 - 12:44

Limafeløgini fara at viðgera støðuna á fundi á Sandi mánakvøldið.

Hugin Skaalum, formaður í Sambandsfelagnum í Vágum, sigur við útvarpið fyrrapartin, at tað er ikki í lagi, at løgmaður hevur borið løgtinginum skeivar upplýsingar.

- Fólkatingsvalið og veljarakanningar annars vísa, at Sambandsflokkurin hevur tað trupult. Tíðin er kanska búgvin at skifta formann, men eg veit ikki, hvat hini limafeløgini halda, sigur hann við útvarpið í dag.

Hann fer nú at vita, hvat hini limafeløgini siga um støðuna í Sambandsflokkinum. Hann væntar, at limafeløgini koma við einari niðurstøðu eftir fundin mánakvøldið.

Løgmaður, tingmanningin og landsstýrisfólkini hjá Sambandsflokkinum vóru á fundi á Gamla Apoteki hósdagin, har støðan var umrødd, nú kanningarstjórin Hans Gammeltoft-Hansen hevur staðfest, at løgmaður bar løgtinginum skeivar upplýsingar.

Niðurstøðan á fundinum var, at formaðurin fer at kalla landsnevndina saman fyrst í august, og tá fer flokkurin at viðgera politisku støðuna og spurningin, um Kaj Leo Holm Johannesen skal vera sitandi sum formaður.

Sjálvur er Kaj Leo Holm Johannesen sinnaður at fara frá sum formaður, um flokkurin metir tað vera bestu loysnina. Verður tað niðurstøðan, ætlar hann sær kortini at vera sitandi sum løgmaður til valið er útskrivað.

Sambandsflokkurin hevur veljarafeløg í Suðuroy, í Havn, á Sandoy, í Vágum, í Norðstreymi, í Eysturoynni, í Norðuroyggjum, umframt ungmannafelagið hjá Sambandsflokkinum.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592